🌎 _أعمدة الرأي_ 🍎 _في السلك_✍ _بابكر سلك

🌎 _أعمدة الرأي_




🍎 _في السلك_
✍ _بابكر سلك_

🍏 _قلتي لي طيارتكم !!!_
🍎 _فيصل إبراهيم محمد_




‏
< أنباء عن مطالبة بعض من أسرة المخلوع ومنطط عيونو بتسليمهم الطائرة الرئاسية )الورثها من ابوهو( عشان هي هدية شخصية لي سعادتو
< وان صحت الأنباء نقول لأسرة علي بابا والأربعين حرامي
< الطيارة هينة
< علي بابا عرفناهو
< الأربعين حرامي ديل منو يا أسرة )المخلوع(؟؟؟
< نرجع لقصة الطيارة
< قلتوا لي طيارتكم؟؟؟
< تطير عيشتكم
< برضو وقع منها كسرت سنو؟
< انتوا راكبين تخمخموا نازلين تلملموا؟
< نحنا ماعندنا مانع لو بقت طيارتكم نديكم ليها
< وكافوري لو طلعت ماكافوريكم ترجعوها لينا
< كلو زول يشيل حاجاتو
< نرجع للطيارة
< ولان الشعار حرية سلام وعدالة
< نحكم فيكم شرع الله
< موش قلتوا إسلاميين
< يبقي نحكم شرع الله
< تتذكروا الصحابي الجليل الكلفوهوا يجمع الزكاة والناس ادتو هدايا شخصية مع الزكاة
< لما رجع موش قال رضوان الله عليه للرسول الكريم عليه أفضل الصلاة والتسليم
< هذا لكم وهذا لي؟
< الرسول الكريم عليه أفضل الصلاة والتسليم قال ليهو شنو؟؟؟
< بتتذكروا ولا أذكركم؟
< قال ليهو هلا جلست في بيت أبيك وأمك ورسلوا ليك الهدايا دي؟
< الآن بالشرع كده قولوا للمخلوع
< هل جلست في حوش بانقا وادوك الطيارة دي؟
< لو قال نعم
< تعالوا شيلوا الطيارة
< واكلفكم بسؤال تاني للمخلوع
< قولوا ليهو سلك قال ليك رجع لينا خط هيثرونا
< ماياكلكم حنك ويقول ليكم طالبني حليفة؟وحصل انا كضبت عليكم؟
< الزول ده كضاب شديد
< والله تمشوا ليهو في كوبر يقول ليكم انا في السويد
< ماتصدقوهوا
< غايتو لو صح خبر المطالبة بالطيارة اللافي في المواقع ده
< يبقى صحيح الاختشوا ماتوا
< قال طيارة قال
< ياخ سودانير كلها وين؟؟
< برضو رميتها من السقالة وكسرت سنها؟
< صحيح الاختشوا ماتوا
< أستاذنا الطيب مصطفى والهندي عزالدين
< ببكو علي الامن والامان
< امان آند ابان؟
< ياتو امان البتبكو عليهو؟
< امان الاعتقالات والتعذيب وكتائب الظل والحقارة وسرقة مال الدولة؟
< لا امان مع جوع وقهر يا ناس
< ربنا ذاتو جاب الاطعام من جوع قبل الامان من خوف
< زول جعان امان شنو كمان
< المواطن ينوم يصحي يلقى الراجحي اشتري نص البلد
< تقول لي أمان
< يادوبك نحنا عشنا امان يامان
< لاتاتشر ساكانا
< لا قناص بندقيتو في ايدو وعينو في الضبانة
< لا بتصدر لحمنا من السلخانة
< وهيييي وهييييي وتاني هييييي
< قال امان قال
< ماتخلونا نترتر لي ورا وندخل في جرجرة
< ماتخلونا نقيف في الصينية ونكورك للحرامية
< هيييي وهيييي وتاني هيييي
< ماتخلونا ننزل دستور ونمرق الكتلوهوا بالخابور
< قال امان قال
< ماتخلونا نمرق المال الوطن خسرو ونجيب سيرة خط هيثرو
< قال امان قال
< ماتخلونا نبين الجخة في الفاضي وسرقة الاراضي
< هبييي وهييييي وتاني هييييي
< امان في بلد حكومتها تسعة وتسعين في المية محتالين ودجالين وحرامية؟؟؟
< امانكم داك مادايرنو
< اماننا لو ماعاجبكم شيلو بقجكم
< نحن في عهد
< الملك الشعب
< أيها المجلس العسكري
< دحين انت ماشلت رئيس القضاء؟؟؟
< دحين انت ماطلعت مليون قرار ما اتنفذ؟
< فنجري علي شنو يامجلسنا العسكري؟
< الناس الصابنها طلعت سلمية ضد الحرامية
< الآن بشوف اللعبة احلوت
< عسكر وحرامية
< وعشان بنحترم العسكر
< حقو ماتلعبوا مع الحرامية
< كل فلول الدولة قاعدين في مناصبهم
< عرفتوا ليه صابنها ياعزيزي برهان؟
< ثقتنا في الجيش كبيرة
< بالذات المدرعات وسلاح الجو
< وكل الجيش بدون فرز
< الجيش مابهون علينا
< وحتى لغة خطابنا معه يجب ان تكون محترمة
< لانو لكل مقام مقال
< وبرغم كل ذلك يحتاج لنظافة شأنه شأن الخدمة المدنية
< حتى نضمن انه ليس طرفاً في لعبة عسكر وحرامية
< يامجلسنا العسكري
< اصبحنا لا نستبعد بكرة يجينا في الاعتصام موكب الحرامية
< لانو ماحصل ليهم اي شيء
< وبمناسبة موكب
< عندنا موكب اصحاب الصلع
< انا وحاتم عبدالغفار والطاهر الحاج بتاع الموردة وبقية العقد الفريد
< شعارنا تكسر سنك بي وقعة
< تكشف حظك بي ودعة
< تشيلك بره مليون صلعة
< وهتافنا
< الليلة بجيك بهناك
< ثورة
< كوجاك ينطح كوجاك
< ثورة
< جدادة نحمرها ليك
< ثورة
< شربوت نتقلوا ليك
< ثورة
< كنداكة كان نعرسها ليك
< ثورة
< وداد تكسر كرعيك
< ثورة
< بس موكبنا ده اتأخر
< لانو فهم المجلس العسكري باشراك الناس ديل في اي شيء مخوفنا
< ممكن بشة يطلب المشاركة
< عندو صلعة
< اها نسوي شنو؟
< أيها الناس
< إن تنصروا الله ينصركم
< اها
< نجي للشمارات
< كان شفت يامجلسنا الفنجري
< دايرين نغني جياشة
< ساعدونا بالمشاعر الجياشة
سلك كهربا
ننساك كيف والكلب قال أجمل عبارة هي...الملك الشعب
والى لقاء
سلك