📌دبابيس من صحف اليوم 06 مايو 2019 م
.
.
🐒 حركات قردية:
👈 للناس العاوزين يقدونا بالتحليلات والتوصيفات عن بيان التجمع نقول لهم نحن مع القول المعروف: “العبرة بكمال النهايات لا بنقص البدايات”
📌 شايف في توصيفات جديده لكن قلنا نعديها المرة دي عشان الدنيا رمضان وكدا
.
.
📰 بجهود شباب الأحياء ماشين كويييس حتى الآن:
👈 حتى الآن تمت مداهمة أكثر من عشرة بيوت تعتبر من أكبر أوكار المؤتمر الوطني وما يعرف بكتائب الظل حيث وجدت بها أسلحة وذخائر وأحزمة ناسفة ومتفجرات......
👈 حتى الآن دونت (7) بلاغات متعلقة بالفساد وأخرى جنائية حول الأحداث الأخيرة في مواجهة رموز من النظام المباد والقيادات بالمؤتمر الوطني في بورتسودان.
وأفتح والي البحر الأحمر المكلف عصام عبدالفراج نيابة المال العام المتعلقة بالتحري في قضايا الفساد والدعاوي الجنائية المتعلقة بالأحداث الاخيرة أمس
👈 وفي سياق ذي صلة ذكر المواطن (م،ع،أ) وبحسب صحيفة الإنتباهة أنه بصدد فتح بلاغ ضد والٍ أسبق في جرائم متعلقة بالفساد وإنشاء عدد من الشركات الوهمية.
📌 المفروض الأيام دي أي زول مظلوم من زول يمشي يفتح فيه بلاغ....
.ه.
.ه.
📰 أخبار اليوم:
👈 مجمع الفقه الاسلامي يعلن اليوم الاثنين أول أيام شهر رمضان المعظم
📌 حظكم كويس هسع لو كان تجمع المهنين أعلنه التلاتاء والله الا كان تصوموا براكم
.
📰 أخبار اليوم:
👈 المجلس العسكري: سنسلم ردنا لقوى الحرية والتغيير اليوم
📌 جيبوهو أقروهو لينا في التلفزيون دا عشان ما تجوا تقولوا كاني ماني
.
📰 أخبار اليوم:
👈 تجمع المهنيين: لن نقبل إلا بمجلس سيادي مدني انتقالي واحد بتمثيل محدود للعسكريين
📌 معاكم تب
.
📰 أخبار اليوم:
👈 بعد عزل البشير... الامارات تكشف السبب الرئيسي للأزمة في السودان
📌 ياخي بعد عزل المخلوع دا في ناس قالوا الشاي بقى حلو بدون سكر
.
📰 الوطن:
👈 إعفاء عبد المجيد وتعيين عباس رئيساً للقضاء
📌 هو دا عبد المجيد والا (حوض برسيم) ال بي يحشوهو كل يومين دا
.
📰 الوطن:
👈 سحب السيارات الرئاسية والدستورية من مسؤولين بالنظام السابق.
📌 بالمناسبة دي الكوريلات بتاعة الطلاب ديييك خبرها شنووو.؟؟
.
📰 السوداني:
👈 تعديل الاتهام إلى القتل العمد في بلاغات شهداء الثورة والنيابة تستجوب البشير
📌 قلنا لكم بدل المطاولات دي جيبوهو للثوار في ميدان الاعتصام وخلاص...
.
📰 السوداني:
👈 العسكري يبدي استعداده لتصوير الإعلام لرموز النظام السابق بالسجون
📌 يعني خلاص حممتوهم ولبستوهم
.
📰 السوداني:
👈 الحرية والتغيير تعلن تمسكها بمواقفها المعلنة وتعتذر للشعب السوداني
📌 امسكوا قوي لا يجيكم عجوز خردة يسرقها منكم
.
📰 الصيحة:
👈 ياسر بشير يحقق مع البشير
📌 اسمها يحقق مع المخلووووع
.
📰 الإنتباهة:
👈 استجواب البشير والسماح للصحافيين بزيارته
📌 حقوا تعملوا الزيارة بي تذاكر والدخل لصالح أسر الشهداء أو دعم اطفال السرطان
.
📰 الإنتباهة:
👈 المهدي يقدم إعلاناً دستورياً جديداً
📌 الاعلان دا مايتنشر للعامة لو ما اتأكدتوا من محتواه لأنه الامام دا الأيام دي جايب له مصطلحات من تحت الزنار على قول السوريين
.
📰 الإنتباهة:
👈 مناوي وعرمان بالقاهرة
📌 واحده من اتنين يا عاوزين نصايح من السيسي يا عاوزين يشربوا شوية مجاري حتى يجوا
.
📰 التيار:
👈 نيابة مكافحة الفساد تستجوب الرئيس المخلوع
📌 أييييوا دا العنوان الصحيح
.
📰 التيار:
👈 بلاغات قنص المتظاهرين تحت طائلة القتل العمد
📌 قنص المتظاهرين دا مفروض قتل عمد وفوقها أي حاجه ممكن تودي في داهية
.
📰 التيار:
👈 فساد يقدر بـ(60) مليار جنيه في التأمين الصحي
📌 انتو السر في العدد (60) دا شنو ؟
.
📰 التيار:
👈 تجمع المهنيين يرفض مقترح الوساطة والعسكري يرد اليوم
📌 الوساطة لو قايمين بيها عواجيز ما عاوزنها
.
.
📌ابووضاح 📌
________
https://www.facebook.com/
ليست هناك تعليقات:
إرسال تعليق
اكتب تعليقك هنا.......